عاجل| هدية من الرئيس السيسي لشعب مصر

أعلن الرئيس عبدالفتاح السيسي، خلال افتتاح مجموعة مشروعات إسكان بديل المناطق غير الآمنة، عن توفير حظيرة لكل بيت قائلا: «لـ اللي عايز يربي».

وأضاف الرئيس السيسي: «كل ما تتوفر أراضي هنقدر نعمل الخطط دي كلها على مستوى الدولة بالكامل.. ولو قولتم 500 ألف وحدة بـ 500 ألف جنيه .. يعني المليون يكلفوا 500 مليار جنيه، متابعا: " الموضوع مش اقتصادي خالص احنا بنحاول نحل المشكلة اللي احنا فيها».

وقال الرئيس السيسي، خلال كلمته بافتتاح عدد من مشروعات السكن البديل بالسادس من أكتوبر: «احنا قولنا هنسيب حظيرة قدام كل بيت، واللي عايز يربي حاجة أحنا وفرنا مكان مع شقته.. وبقول الكلام ده عشان تعرفوا اننا جادين مع الناس.. والحاجة اللي بعملها متكاملة أوي.. ومحدش بيعمل كده غير الحكومة ومفيش مطور عقاري».

 وأوضح الرئيس السيسي، قائلا:  «إن مصر دي بلدنا واحنا عايزين نغيرها ، بس خلي بالكم إن المليون وحدة اللي أحنا بنفتتحهم ، واللي لسه هنفتتحهم ، و بكرر كلامي أن اللي بيتعمل ده بيتعمل من أموال مصر .. وده من بلدنا محدش هيجيب حاجة ».

وتابع:« أقف هنا .. معملناش مشاريع في أراضي زراعية .. عملناهم في أراضي صحراوية .. وده مش اهتمام الحكومة وأنا بس .. أنتم بتسيبوا الأرض الغالية دي تتضيعوها بالطريقة دي .. وتسيبوا صحراء كبيرة مفتوحة كده»، مشيرا إلى إننا وجهنا بتطوير والاستفادة من المناطق المحيطة بمناطق بمشرروعات الاسكان الجديدة لخدمة المواطنين.